Larja e duarve është bërë një mënyrë kryesore për të mbrojtur veten nga Covid-19. Sidoqoftë, abdesi gjithmonë ka pasur një vend qendror në praktikat dhe besimet e shumë traditave fetare. Të krishterët kryejnë pagëzimin me ujë, në sasi që variojnë nga spërkatje të vogla deri në enë më të mëdha, për të sjellë pastrim, pastërti, ringjallje dhe rilindje. Larja e këmbëve të Jezuit nga dishepujt e tij siç tregohet në Ungjill e bën larjen e këmbëve një praktikë të rëndësishme në krishterim për të promovuar pastërtinë dhe kryhet ende sot e kësaj dite. Tradita hebraike ka gjithashtu shumë raste të abdesit ku uji përdoret posaçërisht për të promovuar pastërtinë, duke përfshirë larjen e duarve për të rikuperuar ose ruajtur pastërtinë dhe mikveh në të cilën këmbët ose i gjithë trupi është i zhytur në ujë.
Një i dashuruar duhet të ndërmarrë përgatitjen e kërkuar për të pastruar dhe zbukuruar veten para se të takohet me të Dashurin e tij. Po kështu, nga një besimtar kërkohet që të lajë pjesë të caktuara të trupit të tij për të qëndruar para Zotit në lutje, siç udhëzohet në Kapitullin Maideh të Kur’anit, ajeti 6: “O ju që besuat! Kur doni të ngriheni për të falur namazin, lani fytyrat tuaja dhe duart tuaja deri në bërryla; fërkoni kokat tuaja, e këmbët lani deri në kyçe. Nëse jeni të papastër, atëherë pastrohuni (lahuni)! Në qoftë se jeni të sëmurë, ose në ndonjë udhëtim, ose ndonjëri prej jush vjen prej vendit të nevojës, ose keni kontaktuar me gratë dhe nuk gjeni ujë, atëherë mësyjeni (merrni tejemum) dheun e pastër dhe me të fërkoni fytyrat dhe duart tuaja. All-llahu nuk dëshiron (me obligim për abdest e larje) t’ju sjellë ndonjë vështirësi, por dëshiron t’ju pastrojë (prej mëkatëve), t’ua plotësojë të mirën e Tij ndaj jush e që ju të jeni mirënjohës”
Pastrimi shpirtëror që ofron akti i abdesit theksohet nga Profeti Muhamed (a.s.) në hadithe të shumta, ose thënie profetike, i cili është mbledhur nën Librin e Pastrimit. Ndërsa uji pastron fjalë për fjalë fytyrën dhe gjymtyrët, me çdo qëllim të pastër për të bërë abdestin, pikat e ujit që takojnë trupin gjithashtu lajnë mëkatet e vogla që ishin kryer nga duart, goja, fytyra, veshët dhe këmbët. Siç shprehet edhe hadithi i famshëm se “pastërtia është gjysma e besimit” [Sahih Muslim, 223. Prandaj, për të përsosur besimin, për t’u pastruar nga gabimet tona vazhdimisht, Zoti na ka dhënë një mekanizëm të thjeshtë përmes të cilit të pastrohemi dhe rikalibrohemi shumë herë në ditë.
Shumë prej nesh, meditojnë pak gjatë koës që kryejnë këtë model larjeje, pra realizimin e abdesit. Është bërë një rutinë që rrallëherë e konsiderojmë një mbrojtje mjekësore që e aplikojmë në trupin tonë. Përveç efekteve të saj në shpirt, larja gjithashtu ka efekte të mrekullueshme në trup.
Mbi katërmbëdhjetë shekuj më parë, Profeti (a.s) këshilloi abdesin para se të shkohet në shtrat. Është interesant ky fakt, ekspertët e jogës në vitet e fundit gjithashtu kanë filluar të inkurajojnë larjen e këmbëve, duarve, krahëve, syve dhe gojës para gjumit me ujë të freskët për një gjumë më të thellë dhe të qetë. Kjo nuk është për t’u habitur duke marrë parasysh lehtësimin që vjen me prekjen e ujit gjatë një ditë të ngarkuar.
Tre nga sistemet tona kryesore përfitojnë nga abdesi; sistemi i qarkullimit të gjakut, sistemi imunitar dhe ekuilibri elektrostatik i trupit. Në këtë mënyrë, përfitimet shëndetësore nga rituali i larjes janë të trefishta.
SISTEMI QARKULLUES
Sistemi i qarkullimit të gjakut është një qark i mrekullueshëm i enëve të gjakut midis zemrës dhe indeve që përbëjnë dhe çdo sistem tjetër të trupit. Sistemi qarkullues i qarkullimit të gjakut, qarkullon gjak të oksigjenuar nga zemra në indet përreth trupit dhe përsëri në zemër, ndërsa sistemi i qarkullimit pulmonar transporton gjak të deoksigjenuar në mushkëri për detoksifikim dhe kthen gjakun e pastër në zemër. Funksionimi i saktë i enëve të gjakut, të cilat veprojnë si tela që lidhin organet tona kryesore, janë thelbësore për efikasitetin e këtij qarku. Këto enë ndahen në degë më të holla të quajtura arteriola të cilat nga ana tjetër ndahen në kapilarë më të vegjël të cilët rrethojnë qelizat e trupit. Rezistenca vaskulare e gjeneruar nga enët e gjakut kapërcehet nga presioni i gjakut i krijuar nga zemr
